Rikthehet në operim njësia e Kosovës A, dhuratë për ditëlindje për ministren Rizvanolli

21:30 | 7 Maj 2023
E.H

Njësia A5 e Kosova A-së është rikthyer sot në operim.

Kështu ka njoftuar ministrja e Ekonomisë, Artane Rizvanolli e cila është ndier e falënderuar që ky rikthim ndodhi pikërisht në ditëlindjen e saj.

“Punonjësit e Kosovës A më dhanë dhuratën më të mirë për ditëlindje: rikthimi i njësisë A5 në operim. Së bashku me menaxhmentin dhe punonjësit festova ditëlindjen dhe rikthimin e njësisë në termocentralin Kosova A”, ka shkruar Rizvanolli në rrjetin social Facebook.

Ajo edhe njëherë i falënderoi përzemërsisht punonjësit e Kosova A-së, dhe për prodhimin me tri njësi në një kohës sfidash.

“Në emër të Qeverisë dhe qytetarëve të Kosovës u shpreha mirënjohjen e pafund për punën me përkushtim për rikthimin e bllokut A5, si dhe për prodhimin me tri njësitë njëkohësisht përkundër sfidave”, shtoi Rizvanolli./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm